--Constat? Quibus
constat?--Deo.--Quis dicit?--Nos, qui divinitus edocti
sumus.--Fabulae qui credam?--Si arderes fide, tam scires hoc,
quam te vivere.
/* Spectatum admissi, risum teneatis?
Iuberi christianos omnes adiungere se Ecclesiae, cavere ne
spiritali gladio trucidentur, in domo Dei pacem colore, huic
animas credere columini veritatis, istic querelas omnes deponere,
hinc eiectos habere pro ethnicis; nescire tamen tot centinis, tot
homines, ubinam illa sit, quive huc pertineant? Vnum illud
crepare in tenebris, ubi ubi sit Ecclesia, tantummodo sanctos et
in aethera destinatos ea contineri? Ex quo fit ut, si quis
imperium sui Praesulis detrectare velit, scelere solvatur,
dummodo sibi persuadeat presbyterum in crimen incidisse, et ab
Ecclesia protinus excidisse.
Quum scirem adversarios talia comminisci, quod nullius aetatis
Ecclesiae consuessent, et orbatos tota re, velle tamen inter
angustias vocabulum possidere, solabar me vestro acumine, atque
adeo mihi pollicebar, fore ut quamprimum huiusmodi technas ex
ipsorum confessione cerneretis, statim homines ingenui et cordati
stultas argutias in vestram intextas perniciem exscinderetis.
Pages:
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70